Krāslavas ģimnāzijas skolēni pilotprojekta “Latgaliešu rakstu valodas apguve skolā” fakultatīva nodarbībās apgūst dažādas tēmas.
Liela uzmanību tiek pievērsta arī Svēto Rakstu pētīšanai. Līdz ar to tika izveidots skolas auditorijai informatīvais materiāls latgaliešu valodā par Pelnu trešdienu, jo katoļu tautai gavēnis sākas ar Pelnu trešdienu.
Palnu dīnā īsuocam gatavuošonuos laiku leluokajim kristīšu svātkim – Leldinem. Bazneica myusim pīduovoj šamā dīnā īīt 40 dīnu gavienī, lai sagatavuotu sovu dvēseli i mīsu Kristus Augšanceļšuonuos nūtykumam.
Olita Truskovska
Krāslavas ģimnāzijas skolotāja
Palnu trešdīne – gavieņa suokums
Palnu dīnā īsuocam gatavuošonuos laiku leluokajim kristīšu svātkim – Leldinem. Bazneica myusim pīduovoj šamā dīnā īīt 40 dīnu gavienī, lai sagatavuotu sovu dvēseli i mīsu Kristus Augšanceļšuonuos nūtykumam.
Palnu trešdinē Bazneicys lykums nūsoka atsaturiešonu nu galis iedīnim i styngru gavieni (trejs iedīnreizis dīnā, kurā tikai vīna reize da seitam). Lai gon šamā dīnā obligati navajag īt da bazneicai, tūmār ticeigī labruot pīsadola gondareišonys dīvkuopuojumā i īīt Leluo gavieņa nūskaņā kupā ar vysu Bazneicu.
Viesturiski Palnu trešdine ir pazeistama kai publiska grāku nūžāla. Šis īrodums, golvu apkaiseit ar palnim kai zeime nūžālai i gondareišonai, kuru sviņ Palnu trešdinē, ir pazeistams daudzuos kulturuos i tradicejos, kai, pīm., Senajā Egiptē, pi arabim, Grīkejā ari Senajā Izraelā.
Bibliskajā skaidruojumā palni nūzeimej cylvāka trauslumu i tū, ka cylvāks ir jimts nu zemis – tys ir, pakļauts nuovei. Palnu zeime ir ari uoreja apsajimšonuos zeime tam, kurs nūžāloj sovus slyktūs dorbus i veic atsagrīsšonuos ceļu pi Dīva.
Gavieņa suokumā mes bīži pījamam lobus nūdūmus, ka vairuok pīsavierssim sovys veseleibys stuovūkļam – mozuok ēssim, nalītuosim gali, soldumus, styprūs dzierīņus i napeipēsim, vairuok sportuosim, lobuok sakūpsim sovu uorejū izskotu. Taitod dūmojom vyspyrms par mīsys sakuortuošu.
Kas tod ir patīss gavieņs? Tys ir saisteits ar patīsu grāku nūžālu. Izmeklejūt pruotu i sirdsapziņu, cylvākam bīži vīn juoatsatur na tikai nu koč kaidim iedīnim voi iedīņreizem, bet juoatsatur nu grākuošonys i vairuok juoīmīļoj Dīvs i tyvuokais cylvāks.
Eists gaviens – vairuok dūmuot, lyugtīs i ryupētīs par sovu bruoli i muosu.
Attēls - https://www.lakuga.lv/2020/11/04/kas-ir-vaclatgalisi-i-jaunlatgalisi-vacuo-i-jaunuo-latgola/