29. apreļs – saulaina dīna latgalīšu volūdys gūdynuošonai – suocēs ar dzejneicys Annys Rancānis uzrunu i dzīsmi “Skaidruo volūda”.
Jau divdesmit trešū godu LVLKŠA organizej skotuvis runys konkursu “Vuolyudzāni” i olimpiadi latgalīšu rokstu volūdā i kulturviesturē. Itūgod skotuvis runis konkursā nu Kruoslovys gimnazejis pīsadaleja: Aurēlija Rimšāne - 3.a klase, Viktorija Hmeļnicka - 3.a klase, Kristiāns Dzalbs 6.a klase, Anna Umbraško, 8.a klase, AnnaGuba 9.a klase, Emīls Grišāns 9.a klase.
Konkursu pa vacuma grupom viertēja dzejneicys Anna Rancāne i Līvija Liepdruviete, Rēzeknis Tautys teatra režisore Māra Zaļaiskalns i aktrise Vija Dikule, Latvejis Radejis Latgolys studejis vadeituoja Renāte Lazdiņa i producents Guntis Rasims.
Kruoslovys gimnazejis skotuvis runys konkursa rezultati:
- vīta Anna Guba 9.a klase.
- vīta Anna Umbraško 8.a klase,Emīls Grišāns 9.a klase.
- vīta Viktorija Hmeļnicka3.a klase.
Atzineiba Kristiāns Dzalbs 6.a klase.
22. vaļsts atkluotajā latgalīšu volūdys i kulturviesturis olimpiadē itūgod pīsadaleja septenis komandys (Baļtinovys v-škola, Drycānu v-škola, Kruoslovys gimnazeja, Ludzys piļsāts v-škola, Nautrānu v-škola, Rekovys v-škola, Rēzeknis Vaļsts 1.gimnazeja).
Kruoslovys gimnazeju puorstuovējakomanda: ŽenijaNikolaičenko,Kristīne Daļecka, Daniels Vagalis, Diana Višņakova un Dairis Stivriņš.
Komanda īguva atzineibu icīši lelu pīredzi. Vydsškolāni atzeist, ka aizdavumi beja interesanti, bet gona gryuti.
Olimpiadē beja pīcys kuortys. 1. kuortā školāni atkluoja sovys prasmis latgalīšu rokstu volūdys pareizraksteibā, 2. kuorta beja veļteita kinai “Latgalīši Sibirī”, 3. kuortā veica aizdavumus par Ontona Slišāna gruomotu “Čipierkstneits jeb apcirsto sakņu pieaudzēšana”, 4. kuortā vajadzēja īpazeit Annelis Slišānis “100 deči Latvejai”, bet 5. kuortā beja Latgolys kulturtests par latgaliskajom aktivitatem 2022. godā, kū sagataveja latgalīšu kulturys ziņu portals lakuga.lv. Aizdavumus izstruoduoja profesoris Lideja Leikuma i Ilga Šuplinska i portala lakuga.lv redaktore Laura Melne.
Tei beja īspieja bārnim i jaunīšim styprynuot sovu pošapzini, nūvoda identitati i patriotismu.
Paļdis školānim i školuotuojim!
Inga Skerškāne,
vizuālās mākslas skolotāja
Autora foto